HOT TOPICS :
Gosip | COVID-19 | Ayo Vaksin
|
Thread Terpopuler
-
Senin, 2024/04/24 11:14 WIB
Polisi Sebut Chandrika Chika 1 Tahun Gunakan Narkoba
-
Senin, 2024/04/24 11:09 WIB
6 Fakta Penangkapan Chandrika Chika Pakai Narkoba Bareng 5 Orang Teman
-
Senin, 2024/04/24 14:23 WIB
Parto Patrio Dilarikan ke RS Pakai Ambulans, Sakit Apa?
-
Senin, 2024/04/24 11:29 WIB
KPU Tetapkan Prabowo Jadi Presiden dan Gibran Wakil Presiden Baru RI
-
Senin, 2024/04/24 11:43 WIB
Mooryati Soedibyo, Pendiri Mustika Ratu, Meninggal Dunia Dalam Usia 96 Tahun
-
Senin, 2024/04/24 11:36 WIB
Fans eSports Ramai Usai Jeixy Tersangka Kasus Narkoba
|
Thread Tools |
16th February 2011, 20:19 |
#1
|
Registered Member
|
tambo minang kabau
Disadur dari buku "Kato Pusako"
Adopun katiko langik takambang Juo katiko mulai bumi tahampa Katiko nabi Adam mulai kaditampo Allah Ta'ala lah sudah manantukan Anak cucu Adam nan mahuni dunie Anak Adam nan bungsu manjadi rajo Adopun anak Nabi Adam 'alaihissalam Tigo puluah sambilan banyaknyo Nikah ba antaro satu anak ka satu anak Anak nan bungsu indak mandapek jodoh Dilarikan malaikaik ka awang gumawang Mako heranlah Adam jo Hawa anak baranak Mako batiuiklah angin dari sarugo Diguguah gandang si Rajo Nobaik Ditiuik sarunai si Randang Kacang Dibunyikan pulo rabab jo kucapi Dikambangkan pulo payuang ubua ubua Mako manari narilah anak bidodari Takajuk maliek anak Adam nan bungsu Basamo malekaik di awang gumawang Marebak harum haruman didalam sarugo Turun malekaik di langik nan katujuah Mako baguncang kayu sidratul muntaha Tabukak pulolah pintu baitul makmur Sagalo malekaik manamui anak Adam nan bungsu Basamo samo mambimbiang jo mamapahnyo Adam sakaluarga mamandang ka awang gumawang Nampak anak nan bungsu mamakai tanduak Batanduak dinamokan ameh sajati jati Takuik Adam anak baranak malieknyo Tadanga pulo suaro dari puncak bukik Kaf Mamandang Adam anak baranak kabukiktu Nampak panji panji dikabang diateh bukik Bantuak ombak dilauik mamutuiah ruponyo Mako heranlah Adam jo Hawa anak baranak Mako mando'a Adam pado Allah Rabbul'alamin Mintak dipatamukan juo jo anak cucunyo Mako Allah Ta'ala manurunkannyo ka dunie Mako tajadilah ombak basabuang dilautan Manyumbua pulo lah ikan nan banamo Nun Lalu bagoyanglah bumi kasaluruhannyo Mako antah barantahlah gamponyo alam Sabab itulah mako banamo tanah Rum Bakato Adam jo sagalo anaknyo nan laki laki Sangaik takajuik kito maliek anak nan bungsu Diturunkan malekaik anak Adam nan bungsutu Mako sampai pulo lah ka ateh bumi nan suci Antaro nan dinamokan Pasirik jo Pasiruang Antaro nan dinamokan Masrik jo Magrib Antaro bukik banamo Siguntang Mahameru Itulah nan dinamokan kini tanah Rum Mako balakulah takadia Allah Ta'ala Dikalukan anak Indo Jati dari sarugo Tasabuik dinamokan Cati Reno Sudah Salapan urang jumlah banyak kasadonyo Sangaik rancak rancak rupo bantuaknyo Sangaik sopan sopan bana parilakunyo Lunak lambuik bicaronyo Itulah nan kajadi salaku sumbangan Untuak anak anak Adam kasaluruahannyo Suatu pambarian hadaiah Allah Ta'ala Mako bakumpualah anak Adam kasadonyo Katonyo takuik kami akan tanduakmu Wahai sudaro kami nan paliang bungsu Mako dikareknyolah tanduaknyo tu Sakarek manjadi Mangkuto Sanggohani Sakarek manjadi Lambiang Lambuaro Sakarek lai manjadi Kumalo Sati Sakarek lai manjadi Tuduang Saji Sakarek lai manjadi Pinang Pasie Sakarek jadi Siriah Udang Tampowari Tampuaknyo kuniang, gagangnyo sirah Daunnyo digala untuak manjadi ubek Mako dinamokan Tambago Siramin Koto Mako diturunkanlah pulo malekaik Nan datang dari langik nan katujuah Untuak ma agiah namo tanduaktu Mako dibarilah namonyo Zulkarnain Aratinyo mampunyoi duo ujuang dunia Ujuang Masrib jo ujuang Magrib Untuak rajo dibari namo Iskandar Namo Zulkarnain dipakai jadi galanyo Bakatolah rajo Iskandar Zulkarnain Kapado sudaro sudarony nan banyak Jiko baitu nan lah dikatokan malekaik Ikuiklah apo nan dikatokannyo tu Siapo nan ka jadi kaki tangan ambo Siapo nan kajadi panggiriang ambo Siapo nan ka mambawo payuang ambo Siapo nan ka mamarentah karajaan ambo Siapo nan ka manjalankan parentah ambo Mako manyabuiklah sudaronyo kasadonyo Kami nan banyakko lah nan mauruihnyo Kasadonyo lah cukuik jo kalangkok-annyo Sadonyo lah langkok jo kagadangannyo Mako babarapo lamo pulo diantaronyo Mako lauik pun suruik manyintak turun Dijadikan Allah Ta'ala sagalo bukik Untuak dijadikan sabagai pasak bumi Mako rajo pun bakandak nak punyo istri Mako datanglah parentah dari Allah Ta'ala Jiko rajo bakandak nak punyo istri Japuiklah anak bidodari dari sarugo Lalu malekaik jibril turun ka dunie Singgah langsuang taruih ka sarugo Nampak anak bidodari sadang batanun Mananun kain Sang Seto Kalo namonyo Bakato malekaik Jibril pado anak bidodari Oi Bidodari, marilah kito turun ka dunie Karano parentah dari Allah Rabbul'alamin Angkau akan dijadikan istri rajo didunie Batangisan anak bidodari kasadonyo Mako manyauiklah surang anak bidodari Bagaimano ambo suko pai ka dunie tu Karano ambo kiniko sadang batanun kain Mako bakato pulo lah malekaik Jibril Jiko engkau patuah parentah Allah Bawoklah alat tanun engkau itu kadunie Mako sugirolah anak bidodari bakameh kameh Karano indak dapek saketek juo mintak janji Diguluangnyo alaik tanunnyo jo pisau Kaciak Dipasuntiangnyo sigulandak ditalingo suok Mako diguguah uranglah dalam sarugo Babagai macam alaik bunyi bunyian Gagap gumpito azmat kadangarannyo Mako manarilah sagalo anak bidodari Bakato pulo Jibril kapado anak bidodari Bao juolah sagalo alaik pakaianmu ka dunie Supayo suko saisi dunie untuak dituladani Bahimpunlah mareka kasadonyo ditanah Rum Diturunkan Allah Ta'ala malekaik ampek urang Manjadi wali jo saksi panikahan rajo tu Hatta ateh takadia Allah Ta'ala juo Lamolah pulo sasudah rajo dikimpoikan Dikaluakan buruang nuri dari sarugo Buruang nuri Zamzailan ka namonyo Walau buruang, batinnyo malekaik juo Manantukan manusia hiduik dinagari Kapado buruangtulah hambo Allah baguru Mako babarapo lamo pulo sasudah tu Mako baranak pulolah rajo tigo urang Laki laki sajo anaknyo katigonyo Surang banamo Sultan Maharajo alif Surang banamo Sultan Maharajo Dipang Surang banamo sultan Maharajo dirajo Lamolah pulo antaronyo sasudah itu Lalu dewasalah katigo anak itu Mako mamandang daulaik dipatuan ka Masrik Tantang itu kasadonyo rantau kito Mamandang pulo baliau ka Magrib Tantang itu kasadonyo rantau kito Mamandang pulo baliau ka Selatan Tantang itu kasadonyo rantau kito Mamandang pulo baliau ka Utara Tantang itu kasadonyo rantau kito Mupakaiklah anak rajotu katigonyo Ka arah mano kito handak barangkek Lalu mamndang mereka ka arah Magrib Mako diliek dikajauahan tabik api Antaro ombak ombak basabuang dilautan Mako bakahandak daulaik dipatuan handak balaie Mako mupakaik katigonyo di Pulau Langkapuri Antaro bukik Siguntang Mahameru dilauik Sailan Mako tioknyo mangingini Mangkuto Sanggohani Mako barabuik rabuiklah antaro mereka katigonyo Mako jatuahlah Mangkuto masuak kadalam lauik Mako dibueklah sabuah limbago cambul kaco Mako disuruahlah kapado Cati Bilang Pandai Mako nampaklah Mangkuto didalam lauik Kalihatan Mangkuto sadang dipaluak ula bidai Babaliak Cati Bilang Pandai kadalam perahu Nampak katigo daulaik dipatuan sadang lalok Mako bapikialah pulo Cati Bilang Pandai Dileiknyo ado tasadio ameh sajatah jati Dipabueknyo tiruan Mangkuto sanggohani Mangkuto Sanggohani sudah tukang dibunuah Indak mungkin lah kadapek ditiru lai Cati Bilang Pandai masuak ka parahu Didapatinyo surang daulaik dipatuan jago Inyolah nan banamo Sultan Sri Maharajo Dirajo Nan maambiak mangkuto tu Jatuah jadi miliknyo Mako sangaik heranlah rajo nan baduo Marentak balaie Sultan Maharojo dipang Inyolah nan taruih sampai ka banua Cino Kudo ameh disabuikkan namo karajaannyo Bajajaran lawehnyo sampai taruih ka utaro Surang nan banamo Sultan Maharajo Alif Babaliak kumbali pulang ka tanah Rum Mamarentah Turki, Parancih, Ulando, Inggirih Manguasoi bagian baraik dunie lalu ka utaro Mako balaielah Sultan Maharjo Dirajo Dapeklah manggunokan parahu kayu jati Anam baleh urang kasadonyo pangiriangnyo Ikuik dalam rombongan limo istri rajo |
16th February 2011, 20:20 |
#2
|
Registered Member
|
sambungan
Surang istri rajo disabuik anak Rajo
Lakunyo mardeso, sopan suko mamiliah Ado istri rajo disabuik anjiang Mualim Lakunyo suko mamintak jo pambirunguik Ado istri rajo disabuik kuciang Siam Lakunyo suko manjamua diri, mandakek-I rajo Surang istri rajo disabuik Harimau Campo Lakunyo ganeh pamberang walaupun ka rajo Surang istri rajo disabuik Kambiang Utan Lakunyo suko baulam jo makan siriah Mako balaielah sampai kapulau ujuang ameh Parahunyo pacah karano tasakek dibukik karang Mupakaik rombongan, dek takuik pado titah rajo Bapikie Cati Bilang Pandai mamelok-I parahu tu Manitiah daulaik dipatuan kapado sa isi parahu Jiko kamu pelok-I parahu tu sabagai samulo Akan aku ambiak kalian ka jadi minantu Sukolah sagalo urang nan baraka di parahu Dipelok-I parahu tu sabagai suruik samulo Mako sangaiklah heran rajo daulaik dipatuan Mako balaielah rajo manuju pulau Jawi Lalu babaliak ka gunuang Marapi sandirinyo Sasungguahnyo Allah sangaik kasiah kapado rajo Istri rajo pun malahiakan limo anak padusi Istri, Anak Rajo malahiekan surang anak Istri, Anjiang Mualim malahiekan surang anak Istri, Kuciang Siam malahiekan surang anak Istri, Harimau Campo malahiekan surang anak Istri, Kambiang utan malahiekan surang anak Mako lamo pulo antaronyo sasudah itu Cukuiklah umue anak padusi kalimonyo Lalu dikimpoikan pulo jo limo laki laki Nan mamelok-I parahu sasuai jo janji rajo Mako lamolah antaronyo sasudah ka-win Sabulan duo sampai ampek bulan lamonyo Batanyo rajo kapado sagalo minantunyo Apobilo ado angkau sapamakanan jo sapaminuman Adolah nan kadisabuik, untuak ditanyokan Lalu manyabuik kasado minantu nan balimo Babagai jawek mereka indak ado nan sarupo Hanyo surang sajo nan sapamakan sapaminuman Mako rajo bapike, taraso babagia dihatinyo Mako lamo pulo antaronyo sasudah itu Mako lauik pun susuik manyintak turun Ditumbuahkan Allah Ta'ala rumbio rumbionyo Tigo jurai banyaknyo diateh gunuang Sajurai ma arah ka ranah Tanah Data Sajurai maarah ka ranah Lubuak Agam Sajurai ma arak ka ranah Limo Puluah Koto Disuruah anak minantui nan balimo tadi Surang ka Ranah Tanah Data iyolah anak Anak Rajo Surang ka Lubuak Agam iyolah anak Harimau Campo Surang ka Limo Puluah Koto iyolah anak Kambiang Utan Surang ka Canduang Koto Laweh anak Kuciang siam Surang Ka Kubang iyolah anak Anjiang Mualim Mako bagurulah rajo kito kapado sagalo alam Mako mandapek Galundi nan Baselo namonyo Iyolah nan turun ka arah Ranah Tanah Data Balun Lahie induak Katumangguangan Jo adiaknyo Parpatiah Nan Sabatang Mako lamo pulo antaronyo Mako kambanglah sagalo anak rajo tadi |
detikNews
- detikNews · Berita · Internasional · Kolom · Wawancara · Lapsus · Tokoh · Pro Kontra · Profil · Indeks
- detikSport · Basket · MotoGP · F1 · Raket · Sepakbola · Sport Lain · Galeri · Profil · Fans Area · Indeks
- Sepakbola · Italia · Inggris · Spanyol · Jerman · Indonesia · Uefa · Bola Dunia · Fans Area · Indeks
- detikOto · Mobil · Motor · Modifikasi · Tips & Trik · Konsultasi · Komunitas · OtoTest · Galeri · Video · Forum · Indeks
- detikHot · Celebs · Music · Movie · Art · Gallery · Profile · KPOP · Forum · Indeks
- detikInet · News · Gadget · Games · Fotostop · Klinik IT · Ngopi · Produk Pilihan · Forum · Indeks
- detikFinance · Ekonomi Bisnis · Finansial · Properti · Energi · Industri · Sosok · Peluang Usaha · Pajak · Konsultasi · Foto · TV · Indeks
- detikHealth · Health News · Sexual Health · Diet · Ibu & Anak · Konsultasi · Health Calculator · Foto Balita · Bank Nama Bayi
- detikTravel · Travel News · Destinations · Photos · d'Trips · Hotels · Flights · ACI · d'Travelers Stories
- Wolipop · Fashion · Photos · Beauty · Love & Sex · Home & Family · Wedding · Entertainment · Sale & Shop · Hot Guide · d'Lounge · Indeks
- detikFood · Resep · Tempat Makan · Kabar Kuliner · Halal · Komunitas · Forum · Konsultasi · Galeri · Indeks
- detikSurabaya · Berita · Bisnis · Society · Foto · TV · Indeks
- detikBandung · News · Sosok · Info · Pengalaman Anda · Lifestyle · Iklan Baris · Foto · TV · Info Iklan · Forum · Indeks
Iklan Baris · Blog · Forum · adPoint · Seremonia · Sindikasi · Info Iklan · Suara Pembaca · Surat dari Buncit · detikTV · Cari Alamat
Copyright © 2019 detikcom, All Rights Reserved · Redaksi · Pedoman Media Siber · Karir · Kotak Pos · Info Iklan · Disclaimer